Sa Adlaw ni San Juan Bautista: Usa ka Pagpamalandong ug Pag-ampo Alang kang ＋Rene Clert “Bobet” Baterbonia

S

a dili pa ang tanan, gusto ko una nga ipaabot ang akong kinasingkasing ug tinuoray nga pakigduyog sa kasubo ngadto sa pamilya ni †Rene Clert “Bobet” Baterbonia, sa iyang mga hinigugma, higala, kauban sa eskwela, ug sa tanang nagbangutan tungod sa iyang wala damhang pagpanaw. Walay mga pulong nga makapahayag sa tibuok kasakit sa maong pagkawala. Ang atong mahimo lamang mao ang pagtugyan kang Bobet ngadto sa mahigugmaong kalooy sa Dios ug pag-ampo alang sa iyang pamilya niining lisod nga panahon.

Dili kita magpakaaron-ingnon nga nasayod nganong nahitabo kining maong trahedya. Ingon nga usa ka tawhanong pamilya ilalom sa usa ka Amahan sa langit, gitawag kita sa pag-ampo uban sa pagtuo samtang atong hinumdoman ang kinabuhi ni Bobet. Natawo niadtong 8 Mayo 2008, sa kapistahan ni Bl Juan Sullivan SJ; ug mipanaw ngadto sa Ginoo niadtong 8 Hunyo 2026, sa kapistahan ni Santiago Berthieu SJ. Ang iyang paglubong mahitabo sa ika-24 sa Hunyo 2026, ang Kapistahan sa Pagkatawo ni San Juan Bautista sa Parokya ni San Estanislao de Kostka SJ. Kini nagdapit kanato sa pagpamalandong.

Si San Juan Bautista matinud-anong migahin sa iyang kinabuhi sa pagtudlo sa mga tawo ngadto sa Dios ug sa katapusan mitugyan sa iyang kinabuhi alang sa misyon nga gitugyan kaniya. Bisan og matag kinabuhi lahi ug talagsaon, daghan sa mga nakaila kang Bobet nakakita usab kaniya sa samang pagkamapaubsanon ug pagkamanggihatagon nga makita kang San Juan Bautista. Hinaut nga ang iyang panumduman magpadayon sa pagdasig sa uban sa pagkinabuhi pinaagi niining maong mga hiyas.

Ang misyon ni Juan mao ang pag-andam sa katawhan alang sa pag-abot ni Kristo. Gitawag niya ang mga tawo dili lamang aron magmahay sa ilang mga sala, apan aron usbon ang ilang kinabuhi ug ablihan ang ilang kasingkasing ngadto sa Gingharian sa Dios. Ang iyang pagbunyag sa Suba sa Jordan nagsimbolo sa pagbiya sa karaang paagi sa pagkinabuhi ug pagsugod pag-usab.

Sa iyang hilum ug yano nga paagi, ang kinabuhi ni Bobet nahimong usa ka panawagan ngadto sa komunidad. Gipukaw niini ang lawom nga mga pangutana mahitungod sa responsibilidad, panaghigalaay, pagpangulo, pag-atiman sa usag usa, ug sa bili sa matag kinabuhi sa tawo. Ang kasubo nga gibilin sa iyang pagpanaw nakapadasig na sa daghan sa pagsusi sa ilang kaugalingon ug sa pagpangutana unsay kinahanglan usbon aron ang kinabuhi mas mapanalipdan ug mas mahalon pa. Hinaut nga ang iyang panumduman magpadayon sa pagtawag sa tanan ngadto sa pagpamalandong, pagkaayo, ug pagkabig.

Nasabtan ni Juan nga ang iyang misyon dili aron ipakita ang iyang kaugalingon. Miingon siya: “Kinahanglan nga Siya motubo ug ako mokunhod” (Juan 3:30). Ang iyang pagkadaku wala diha sa iyang kaugalingon, apan sa iyang pagtudlo ngadto kang Kristo. Team-player sama kang San Juan si Bobet kay ingon sa iyang teammate nga bisan dili siya pirmi makadawat ug pasa gikan sa iyang mga kauban, wala gyud siya magdumot.

Mao usab kini ang tawag sa matag Kristohanon. Nag-ampo kita nga ang kinabuhi ni Bobet, ang iyang mga panaghigalaay, ang iyang mga damgo, ug bisan ang gugma nga gipakita karon sa mga tawo alang kaniya, magtudlo usab ngadto sa Dios nga mao ang tinubdan sa tanang kinabuhi ug gugma.

Tulo lamang ka mga adlawng natawhan ang gisaulog sa kalendaryo liturhikal sa Simbahan: si Hesus, si Maria, ug si Juan Bautista. Gisaulog ang pagkatawo ni Juan tungod kay sukad pa sa sinugdanan ang iyang kinabuhi gimarkahan na sa saad ug misyon gikan sa Dios. Kini nga kapistahan nagpahinumdom kanato nga ang matag kinabuhi sa tawo adunay dignidad ug katuyoan nga ang Dios lamang ang nakahibalo sa kinatibuk-an.

Sa mga higayon sa kasubo, dili nato masabtan ang kahulogan sa usa ka kinabuhi nga natapos sa sayo. Apan kini nga kapistahan nag-awhag kanato sa pagtugyan kang Bobet ngadto sa Dios nga nakaila kaniya sa wala pa siya mailhi sa uban ug nahigugma kaniya sa wala pa siya higugmaa sa uban.

Hinaut nga sa pag-ampo nato alang kang Bobet, atong masaligan usab ang Dios nga Amahan sa tanang kalooy, nga modawat kaniya ngadto sa walay katapusang kalinaw ug kinabuhi. Amen.

Nuestra Señora de la Paz y del Buen Viaje, pag-ampo alang kaniya.
San Juan Bautista, pag-ampo alang kaniya.

San Ignacio de Loyola, pag-ampo alang kaniya.

Bl Juan Sullivan, pag-ampo alang kaniya.

Santiago Berthieu, pag-ampo alang kaniya.

San Estanislao de Kostka, pag-ampo alang kaniya.

ENGLISH TRANSLATION (Original Cebuano)

On the Solemnity of the Nativity of Saint John the Baptist: A Reflection and Prayer for the Eternal Repose of †Rene Clert “Bobet” Baterbonia

B

efore anything else, I would like to express my heartfelt and sincere condolences to the family of †Rene Clert “Bobet” Baterbonia, to his loved ones, friends, classmates, and to all who mourn his unexpected passing. No words can fully express the pain of such a loss. All we can do is entrust Bobet to the loving mercy of God and keep his family in our prayers during this difficult time.

We do not presume to know why this tragedy happened. As one human family under one Father in heaven, we are called to pray in faith as we remember Bobet's life. Born on 8 May 2008, the feast of Bl John Sullivan SJ; and called home to the Lord on 8 June 2026, the feast of St James Berthieu SJ. His burial will take place on June 24, 2026, the Solemnity of the Nativity of St John the Baptist. This invites us to reflect.

John the Baptist faithfully spent his life directing people toward God and ultimately gave his life for the mission entrusted to him. While every life is unique and incomparable, many who knew Bobet recognized in him the same humility and generosity that marked the life of John the Baptist. May his memory continue to inspire others to live by these same virtues.

John's mission was to prepare a people for the coming of Christ. He called people not merely to be sorry for their sins, but to change their lives and open their hearts to the Kingdom of God. His baptism in the Jordan River symbolized leaving behind an old way of life and beginning anew.

In his own quiet and simple way, Bobet's life has become a summons to the community. It has awakened deep questions about responsibility, friendship, leadership, care for one another, and the value of every human life. The grief surrounding his passing has already moved many people to examine themselves and ask what must change so that life may be better protected and cherished. May his memory continue to call all of us toward reflection, healing, and conversion.

John understood that his mission was not to draw attention to himself. He said, “He must increase, but I must decrease” (Jn 3:30). John's greatness lay not in himself, but in his pointing others toward Christ. Bobet, too, was a team player. As one of his teammates recalled, even when he did not often receive passes from his teammates, he never held any resentment.

This is also the calling of every Christian. We pray that Bobet's life, his friendships, his dreams, and even the love that people now express for him may point beyond themselves to God, who is the source of all life and love.

The Church celebrates only three birthdays in the liturgical calendar: those of Jesus, Mary, and John the Baptist. John's birth is celebrated because from the very beginning his life was marked by a promise and mission from God. This feast reminds us that every human life carries a dignity and purpose fully known only to God.

In moments of grief, we may not understand the meaning of a life cut short. Yet this feast encourages us to entrust Bobet to the God who knew him before anyone else knew him and who loved him before anyone else loved him.

As we pray for Bobet, may we also place our trust in God, the Father of all mercy, that He may receive him into everlasting peace and life. Amen.

Nuestra Señora de la Paz y del Buen Viaje, pray for him.

St John the Baptist, pray for him.

St Ignatius of Loyola, pray for him.

Bl John Sullivan, pray for him.

St James Berthieu, pray for him.

St Stanislaus Kostka, pray for him.